民華餐廳 (旺角通菜街)
走入旺角太子中間地段，眼見一間新穎裝修茶記，坐得舒服又能一滿小弟港式茶記慾望，當然要一試！ 文西今次點了普通家常常餐：沙嗲豬潤通＋餐肉炒蛋牛油多士＋啡走
食茶記又點少得一試啡走？！味道一流，茶記水準。雖然平平無奇，但保持一般茶記水準亦不錯
沙嗲豬潤通，賣相下流，但味道尚可。文西一向鐘意食煙韌有嚼勁，而且新鮮會略帶甜呼的豬潤，可惜有嚼勁但因為切得太薄而味道扣分，而且沙嗲味重亦蓋過豬潤本味。
餐肉炒蛋牛油多士，多士燙底適中，一看賣相就知有誠意。炒蛋餐肉普通，但多士新鮮鬆軟，加分。順帶一提，面包一般餐廳如用隔夜麵包，翻焗只能做到脆口而不會鬆軟，食落sharp sharp聲，但亦似食餅一樣碎什什，不能做到外脆內軟。
牛油均勻塗上多士，有誠意。
埋單$41，價錢同一般茶記差唔多，唔錯啦！
雖然只是一般茶記應有水準，但香港地而家已經買少見少，加上店內裝修不俗，要坐得舒服又好食既茶記，唔會得個殼好睇唔好食，又唔會好睇好食又好貴，實在難得。 地址：旺角通菜街153-159號地舖 電話：2392 4880 時段：中午 費用：＄４１ 評語：誠意之作，得閒再食過
