Neighbor (銅鑼灣)

本來是因為慶生所以女友揀了這間餐廳, 因為知道我鐘意据扒上網睇OpenRice 環境似唔錯, 好評又幾多咁啵....所以就揀左一入餐廳第一感覺是: 環境睇相唔錯, 實境就有D細, 環境好既首要條件係空間感....空間太狹窄自然空間感差, 相信香港人應該好有同感餐廳唔算係太窄, 地鋪門口只是入口和凍櫃陳列, 要走一條狹小的樓梯上一/二樓但上到用餐區, 環境同網上既相片好有落差, 因為大家影既都係全餐廳最靚既: 一幅牆, 其餘既空間....尚可啦....不過地方真係太窄我同女友二人, 坐既當然係標準二人台啦! 同隔離既二人台... 只有半個身位之隔.... 另外, 桌上和餐具衛生唔錯, 食緊飯既時候亦有蚊滋仔幫襯裝修若果只看那幅草牆和燈光, 的確係唔錯既但環顧四周同環境....實在難以好評

沙律都未食完已經上緊兩個主菜....冇時間比你慢慢欣賞食物.....失敗

巴哈馬火腿沙律

HK$ 62

巴哈馬火腿只有兩小塊, 醬汁太濃令人食唔到沙律菜既新鮮爽口味道

龍蝦汁蟹肉意大利粉

HK$ 108

意粉太乾身, 所謂龍蝦汁完全食唔出, 賣相唔錯, 有自己品牌既碟上菜

美國安格斯肉眼扒 HK$ 178

牛扒表面有點焦硬, 點五成熟有點過生, 未切開已不斷滲出血水薯條應該不是新鮮炸起....有餘溫但完全不脆有鹽粒撒在碟旁, 應該是不知顧客口味所以讓客人自己加鹽!? 細心!!! 牛扒醬亦是一樣太濃太強烈, 搽一點已完全吃不到牛肉鮮味, 好像在一般快餐店要加強醬汁濃咪來蓋過肉質不新鮮的做法一樣....失望!!!...